“الخبر الحصرى”إسلام باندا فى أولى تصريحاته الصحفية للخبر الحصري ويكشف عن احلامه و طموحاته
كتب / مصطفى محمود
“ينشر الخبر الحصرى”
يدعي شاب اسمه إسلام عصام وشهرتة “إسلام باندا” صاحب موهبة غنائية وحنجرة ذهبية سعى وراء حلمه لتحقيقه، و يمتلك ايضا موهبة التلحين ولم يتوقف لاي عواقب ولم يلتفت ورائه، هو فقط ينطلق كالسهم لتحقيق حلمه وإليكم التفاصيل:
متى اكتشفت موهبة الغناء؟
كنت فى الخامسة من عمرى يعنى فى اولى ابتدائى.
مين الأشخاص اللي قدموا ليك الدعم من عائلتك وشجعوك على انك تاخد الخطوة الأولى في مسيرتك؟
والدى الله يرحمه كان اكبر دعم ليا وكان بيسعى انو يدخلنى مسرح وطلعت فى لقاء تلفزيونى كان هو السبب فيه وبعد وفاته والدتى طبعا كانت بتدعمنى ووقفه جمبى وطبعا مش هنسا صحبى وعشرة عمرى الموزع معتز تايجر وهو السبب انى اوصل لشركة الانتاج اللى معاها حاليا .
هل يوجد شركة منتجة ليك؟
اه فى شركة لسه ماضي معاها من فترة صغيرة نيو برودكشن مع استاذة أسماء احمد
ايه هي العواقب التي واجهتك منذ دخولك المجال؟
اللى عطلنى شوية وفاة والدى وبعدها حاجات كتير اتلغبطت فى حياتى وبقت عبارة عن شغل و مذاكرة ودراسة واسعى انى اجيب تقدير فى الكليه ومكنش فيه الوقت الكافى انى ادخل الموهبة فى النص وحاليا قدرت انى اوفق بينهم.
هل حصرت نفسك فى الغناء فقط ؟
صرح قائلا فى بعض الوقت بلعب جيتار وعود وبطلع الحان و بجتهد علشان اوصل لحلمى
ماهى طموحاتك وأهدافك فى الفترة القادمة ؟
كل شئ على ربنا وأملى كبير فى ربنا انو يكرمنى وده احساسي انو هيكرمنى المره دى ولو ماكرمنيش فى المجال هيكرمنى فى حاجه تانيه وانا عند الثقة فى ربنا.
ومن طموحى ايضا انى اوصل لكارنية النقابة وابقا عضو فى نقابة المهن الموسيقية وصوتى يوصل لأستاذ هانى شاكر وأستاذ حلمى بكر ودى حاجه تشرفنى وحاجه هتتحط فى السي فى الخاص بيا انى قعدت مع اساتذت الغناء فى الوطن العربى .
ما هي النصائح التي توجهها للشباب المبتدأ؟
حابب اقولهم لازم تتعب وتجتهد وتشتغل على نفسك وابقا قد المسئولية وربنا هيكرمك وادعى ربنا وان شاء الله ربنا هيسرلك امورك وهتنجح .
من هنا نناشد الاستاذ هانى شاكر والاستاذ حلمى بكر للاستماع الى المواهب الشابة الصاعدة واعطائهم الفرصة.
