“الخبر الحصرى”المياه الكبريتية تعود على ضفاف عين الصيرة
كتب / محمد مجدى
“ينشر الخبر الحصرى”
بحيرة عين الصيرة هي بحيرة طبيعية ظهرت في عشرينات القرن الماضي بعد زلزال كبير ضرب القاهرة وقتها
مياه البحيرة هي مياه كبريتية كانت بتستخدم في علاج امراض جلدية كتير و البحيرة كانت مقصد للسياحة العلاجية
مع الوقت تدهور حال البحيرة و الناس تعدت عليها و بنوا على ضفافها منازل عشوائية و البحيرة تحولت من من مقصد سياحي الى مستنقع قذر و مدفن للقمامة و الصرف الصحي و الحيوانات النافقة و مصدر للتلوث و الروائح البشعة.
منذو٣ سنوات طلب الرئيس عبدالفتاح السيسي تطوير البحيرة و ازالة كافة التعديات من عليها و تطهيرها تزامنًا مع انشاء متحف الحضارة المصرية (متحف المومياءات الملكية) على ضفافها البحيرة انهاردة بقت من أجمل المزارات السياحية في مصر خاصة وانه تم تنفيذ حديقة على ضفافها و مجموعة نوافير و جزيرة داخل البحيرة و ربطها مع اليابسة عن طريق كوبري مشاه.
حديقة البحيرة دي بداية تنفيذ اكبر حديقة في مصر و الشرق الأوسط حديقة (تلال الفسطاط) واللي دشنها الرئيس من اسابيع على مساحة 600 فدان.
(تلال الفسطاط) رئة جديدة للقاهرة مساحتها مهولة تقريبًا 10 اضعاف اكبر حديقة موجودة في مصر دلوقتي ، الحديقة هتكون على طراز عالمي وهتتحط على خريطة السياحة العالمية ضمن التسويق لمتحف الحضارة المصرية ، هتضم الحديقة فنادق متعددة المستويات و بازارات و مناطق للتخييم و سلاسل مطاعم مصرية لتسويق المطبخ المصري عالميًا و مسارح مفتوحة لاقامة الحفلات الغنائية و هيتم استغلال التلال الطبيعية في المنطقة لتنفيذ مناظر خلابة و ربطها سوا عن طريق جسور مشاه و تليفريك طائر.
حاليًا جاري ازالة كل العشوائيات الموجودة في المنطقة على الارض اللي تم تخصيصها عشان تتنفذ الحديقة الجديدة و نقل الالاف الأسر الى مدن حضارية جديدة زي الاسمرات و معا و المحروسة.
اما البحيرة نفسها هيتعمل منها ممر مائي يمشي جوا حديقة تلال الفسطاط و يوصل لحد مسجد عمرو ابن العاص و على الممر ده هيتعمل مسارات مشاه و عجل اللي اتعمل في بحيرة عين الصيرة واللي لسه هيتعمل لا يصدق ، و هنبدأ نعمل زيه في بحيرة الفسطاط وهي كمان بحيرة كبريتية طالها الإهمال و قريب جدا هتبقى اجمل من بحيرة عين الصيرة.
▫️كل اللي بيتعمل ده هو جزء صغير من مشروع كبير جدا لتطوير مصر القديمة و تحويلها لأكبر متحف مفتوح في العالم.
