“الخبر الحصرى”بعد هجومها للفن .. حلا شيحة تتعرض للانتقادات
كتبت / شروق ممدوح
“ينشر الخبر الحصرى”
وجهت الفنانة حلا شيحة رسالة حادة لزميلها في الوسط الفني الفنان تامر حسني، وذلك بعد إعلان توبتها وتبرأها من مشاهد المصورة في أغنية “بحبك” من فيلم “مش أنا”.
حيث نشرت حلا شيحة صورة عبر حسابها الشخصي بمواقع تبادل الصور والفيديوهات الشهير “انستجرام” معلقة عليها قائلة: “إحنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى”.
وتابعت قائلة: “أنا مش هتكسف من حد أنا تبت من المشاهد دي وهي لا تصح، وأنا غلطت وبصلح وأهم حاجة إن ربنا يرضى عني لأن في الآخر ده اللي هينفعنا، مش الشهرة ولا النجاح، لا هو مش نجاح أصلا، علشان النجاح الحقيقي حاجة تانية خالص، إحنا أغلبنا ناسينها إلا القليلين منا”.
وبعد تصريحها وانتقاداها المباشر للفن تدخل بعض الفنانين والمنتجين موجهين لها رسالة خاصة تضمنت الآتي:
نشر المنتج محمد العدل عبر حسابه الشخصي بموقع التواصل الاجتماعي “فيسبوك” بوست كاتبًا: “اللي عملتيه شايفاه حرام هتصرفي فلوس حرام رجعي الفلوس”.
بينما نشر الفنان خالد سرحان عبر حسابه الشخصي بموقع التواصل الاجتماعي “فيسبوك” متابعًا: “اللي مايحترمش الفن يرجع الفلوس والفلل اللي كسبها من الفن وساعتها هاصدقه”.
كما وجهت الفنانة سلوي محمد علي بعض الكلمات المؤثرة لحلا شيحة وتابعت كلام قائلة: “يا بت يا خايبة الرجالة مالهومش أمان، خصوصًا زوجك العزيز، ده راجل عنده تارجت في الستات عايز يحققه، يفضلك إيه بقى، الكارير والزملاء، انتي راهنتي غلط خالص يا حبيبتي ده مايتراهنش عليه”.
أما ماندو عادل فوجه لها رسالة صريحة قائلًا: “ياريت بس لما تطلقي مترجعيش تقولي عايزة أمثل تاني يا استاذة حلا”.
نشر الشاعر خالد تاج الدين عبر حسابه الشخصي بموقع التدوينات القصيرة “تويتر” رسالة لحلا شيحة قائلًا: “ربنا يثبتك وتحلي عننا بقى ماهو مترجعيش تعملي شوية فلوس زي الفل وبعد كده تشتمي الفن وياريت تتخلصي من كل الفلوس اللي قبضتيها في السنتين اللي رجعتي مثلتي فيهم علينا”.
نشر الفنان أحمد الشامي عبر حسابه الشخصي بموقع التدوينات القصيرة “تويتر” قائلًا: “والله انا مبسوط من كل الردود إن الناس فاهمة أن كل ده أكل عيش وأن لو الشهرة فتنة وهي مقتنعة كانت هي بنفسها قفلت كل السوشيال ميديا ووقفت كلام مع الصحافة”.
يذكر أن فيلم “مش أنا” من بطولة كل من: “تامر حسني، حلا شيحة، ماجد الكدواني، حجاج عبد العظيم، سوسن بدر، محمد عبد الرحمن، فايز المالكي ،عصام السقا، اياد نصار، اسما سليمان، محمد الجوهري” وإخراج سارة توفيق، سيناريو وحوار تامر حسني.
