“الخبر الحصرى”إياد جمال فى تصريح خاص للخبر الحصرى بعد إثارة الجدل فى مهرجان إيجي فاشون
كتب / مصطفى محمود
تصوير / كرم زهران
“ينشر الخبر الحصرى”
صرح الفنان إياد جمال عن سبب إثارة الجدل فى مهرجان إيجي فاشون قائلا
المهرجان كان لطيف والتنظيم كان كويس وانا بحب أهزار واضحك فكنت بهزر على الريد كربت فعملت نوع من البهجة عن الناس اللى موجوده وطبعا أعرفهم .
وأضاف أيضا عن تكريمه داخل المهرجان أن الدعوة جأت من المخرج الكبير “أحمد العزبي” من الناس المحترمة و المهرجان ليه علاقة أكتر بالموضة ولكن هو كرم شخصيات عامة و فنانين كتير والتكريم جاء علشان حاجات كتير وبخصوص الاغاني اللى عملتها وعملت ضجه كبيرة زى “شبعان نسوان” دى اللى عملة ضجه كبيرة وكويسة وأغنية “بسوق كتيبة” دى أخر اغنية منزلها وكسرت حاجز المليون فى اقل من شهر .
وسألنها أيضا بخصوص الضريبة التى تم فرضها مؤخرا على اليوتيوبرز والبلوجرز تحدث قائلا
انا مش مع القرار وليس ضده بمعنى أدق مش هنقدر نحجمها لأنى ممكن تقدر تفتح شركة فى أى دولة وتقدر تباشر أعمالك من خلال الإنترنت وفى الأول والأخر الارادات مابتنزلش فى مصر المفروض الدولة تحابى على المجموعة الكبيرة دى وسمعنا فى الفترة الاخيرة عن أرقام مبالغ فيها وبتخرج بره مصر ومن وجهة نظرى انى نجمع الناس دى ونشوف حل .
أما عن أخر أعمالة فقد صرح قائلا
بجهز لأغنية جديدة هيكون معايا فيها الفنان إبراهيم هيصة وهو أحد الاشخاص المؤسسة للمهرجان فى مصر ومعايا النجم الجميل محمد الفنان اللى أغنية كسرت مصر فى الفترة الأخير والأغنية من كلمات وألحان محمد الفنان والتوزيع لسه مستقرناش عليه لأننا قدمنا كذا إختيار .
وتحدث أيضا عن الإلتحاق بنقابة المهن الموسيقة قائلا
أن كنت بجرى فى الاوراق الخاصة بكارنية النقابة ولكن حصلى ظرف صحى فمقدرتش اكمل فى الإجرات وفى الوقت الحالى أنا مش عارف أعمل أى بسبب القرارات المتخذة من نقيب الموسيقين الأستاذ هانى شاكر ومش عارف اى اللى المفروض يحصل .
اما عن إتخاذ قرار بايقاف المهرجان ووقف الفئة الكبيرة دى كارثة والمهرجان لون جديد ومسموع وفيه كل يوم جديد و مستحدثات على العالم كلو وكل عصر ولية أوانه ومش بعترض على قرار النقابة لأنى مافيش فرح ولا حفلة خالية من المهرجان ومافيش مكان مابيشغلش مهرجان والمهرجان فرض نفسه بنسبة “٨٥%”تقريبا فماينفعش امنعه او تلغى وجودة المفروض اجيب الناس دى واجتمع معاهم واقننلهم الموضوع ونشوف مدى الإستجابة المشركة اللى نقدر نعملها.
أما عن قرار إلغاء الفلاشة قائلا
الفرقة الموسيقية مابتديش نفس الطاقة اللى الفلاشة بتديها وعمرها ماهتجبها .
وسألنه أيضا كيف تفصل بين حياتك الشخصية والعملية
أنا بتعامل مع فريق العمل على إننا اخوات وصحاب ومافيش حاجه اسمها شغال عندى وانا بكرة اللفظ ده أساسا وعموما ماينفعش أطلع بنتيجة كويسة والخلفية وحشة .
وفى أخر كلامه قد وجه كلمةللشباب الصاعد قائلا
لازم يبقا عندك حلم وعندك طموح الظروف حاليا مش أحسن حاجة بس أهم حاجه ماتياسشي ممكن يكون بينك وبين حلمك شعرة وتياس تضيع كل اللى تعبت فيه وربنا يوفق الجميع .