“الخبر الحصرى”” ياسمين عماد ” تكشف للخبر الحصرى أفكار برامجها وشعورها أثناء التكريم وموعد تدريب راديو شبابيك
كتبت /بسنت محمود
تصوير /كرم زهران
“ينشر الخبر الحصرى”
انفردت جريدة الخبر الحصرى بحوار خاص مع “ياسمين عماد” رئيسة تحرير راديو شبابيك وذلك عقب تكريمها في مهرجان الراديو والتليفزيون والميديا ، وانسدل ستار الحوار وجاء علي النسق الآتي :
*”ما هى فكرة البرنامج والتي وصفت بفكرة خارج الصندوق وما التعليقات السلبية والإيجابية التي وردت وعن أختيارك للتكريم من خلال اللجنه الفنية ؟”*
أنا بقدم برنامج” بالطعم العربي” فكرته أنى كنت بجيب من كل بلد عربي ضيفة تكون موجودة معايا في الحلقة ،وتعيشنا أجواء البلد وعادات البلد وطفولتها ، أول حلقه كانت ضيفة سورية و كنا بنلف سوريا ولكن ليست الاماكن المعروفة الذى ممكن أن نبحث عنها على جوجل كنت بسألها لما أجيلك سوريا هتودينى فين وكانت بتقولى على أماكن مش كل الناس يعرفوها ،مش كل الناس بتروحها ،أو مثلا أوصفى بيتك فى سوريا ..أزاي مش زي الشكل اللى بنشوفه فى التليفزيون الفكرة من ده أنى كنت عايزة أدخل في تفاصيل البيوت وبيعملوا فيها أى ، على مدار “٤حلقات ” كان معايا ضيفة « سوريا، لبنانية ، تونسية،ليبية ».
*”حدثينا عن التكريم والدافع المعنوى والشخصي وشعورك أثناء التكريم؟”*
قبل ما أتكلم عن التكريم أحب أشكر دكتور مى المشرف العام لراديو شبابيك لأنها قامت بترشيحي للمهندس” عبد الله” لما قال أنا عايزه أكرم ناس كان في “منه ياسر” برنامج اللي بيتكلم فيه” باللغه السواحيلى” ده برنامج حلو كويس ولما قال التكريم أنا أتخضيت لأني عامله برنامج وبقدم حاجه أنا حباها و فاهمه فيها وكنا لسه بنحضر فكرة التكريم وأننا بنخاطب الناس بره مصر، حسيت أننا عملنا شئ كويس وأنى تعبنا لم يكن على الفاضي و عملت برنامج أستاهل أنى أتكرم عشانه.
*”حدثينا عن فكرة البرامج الموجودة والدمج بين المذيعين وهل يوجد تدريبات لراديو شبابيك الفترة القادمة ؟”*
راديو شبابيك يوجد له تدريبات الفتره القادمة ، راديو شبابيك اطلق تجربه “مذيع لأول مره “،وده من ثاني موسم لراديو شبابيك وحتى الأن وإحنا فى الموسم الخامس ، حاجه كده شبه التدريبات كنا بنجيب ناس ليس لديها خبرة كافية في موضوع الإذاعة ونشكلها زي ما احنا عاوزين والحمد لله المبادرة نجحت وطلع من خلالها مذيعين ليهم النهارده برامجهم وشاطرين كمان.
بالنسبه لتحضير الموسم قبل ما يبدأ من بعد ما بنعلن عن الاختبار ونكتفي بالعدد اللي أحنا عاوزينوا بنبتدي نعمل أجتماع للمذيعين ،وده ضرورى جداً عشان نعرف بعض وده مهم جداً ونتنافش مع بعض فى فكرة البرنامج يمكن نكمل من بعض الأفكار والحلو أننا بنتقبل الفكرة والتعاون وروح المشاركة.
*”حدثينا عن برنامج العتاوله وأى هى فكرة البرنامج ؟”*
قبل ما أفكر في البرنامج أفتكرت كلمه الدكتورة ” مى علام ” بعد التكريم ،« أنتوا أتكرمتوا عشان عملتوا حاجه كويسه ف لازم تحافظوا على النجاح ده وتعملوا الأحسن »تخيل تتحط قدام مسئولية، ايعنى مش عشان نجحت يبقى خلاص الموضوع أنتهى والمفروض أن انت تكبر النجاح ده أو اللى أنت عملته كلنا كنا بنشتغل وعايزين نكبر ونحقق نجاحات كبيرة والمذيعة “شاهندا” بردو أتكرمت معانا وهي من رئسات التحرير، واتكرمت لبرنامج “تستاهل السعادة ” هي مش معانا الموسم ده لظروف خاصة ،والمذيعه “نورا الميهى ” لما أتكرمت لبرنامج ” ست بميت راجل ” من المذيعين اللي بجد تشرفنا ،و كلنا أتحطينا في الموقف اللي هو أزاي تعملي حاجه تشرف ..أنا من الناس اللي بحب احكي ومعرفش أقدم حاجات ساكتة ، ف انا هقعد أتكلم وبحب أجيب الموضوع من اوله.
العتاوله دول ناس شداد هتكلم عن ست بسيطه وجوزها توفى ،وتنزل تشتغل وتربى عيالها دي من الناس اللي تتقال عليها العتاوله..فى أول حلقه كنت بتكلم عن القسوة في مصر ،هو اه القسوة مش موجودة دلوقتي ولكن أنا بتكلم من كل كبير حاره، وفية ناس من اللي هما بيعملوا المجالس العربي والحاجات من دي لسه موجود في مصر لحد دلوقتى.
الحوار بواسطه / مصطفى محمود
