“الخبر الحصرى”الإعلامية “مي علام” تتحدث عن راديو شبابيك
كتبت/ بسنت محمود
تصوير / كرم زهران
“ينشر الخبر الحصرى”
” راديو شبابيك بالنسبة لينا حلم بيكبر كل يوم…”
بتلك الكلمات عبرت الدكتورة “مي علام” المشرف العام ل راديو شبابيك عن مسيرتها داخل أروقة الإذاعة ، لتنفرد جريدة الخبر الحصري بهذا الحوار.
قالت “مي علام” عن بداية عملها بالراديو… “أتولدت الفكرة وأحنا قاعدين على قهوة هنا في وسط البلد بقلنا أكثر من ٥ سنوات بندير لراديو تأنى ، ولما لقينا نفسنا عندنا القدرة فقولنا نعمل الراديو الخاص بينا”.
وبدأت المسيرة من خلال خطة محكمة أجادت في أن تصيب هدف النجاح ، وتابعت “مي علام” حديثها قائلة…. “إحنا قاعدين عملنا الخطة وطلعنا النقاط وقولنا مين هيبقى الراعي لينا للموسم الأول وتم التواصل معه ووافق”.
يذكر أن شركة الإنتاج كان مقرها في المهندسين اسمها (أور ميديا) واستكملت …. “روحنا الاستوديو وجهزنا نفسنا وطبعنا اللوجو بتاعنا وابتدينا نعمل تيستات للمذيعين”.
وبلهفة عن حجر الأساس وبداية خطوة النجاح أردفت…..
“أول موسم لينا كان رمضان اللي فات طلعنا ب ١٢ برنامج وده رقم كويس وابتدينا نحس إن النجاح بقا ينسب للمكان، ودي حاجة مميزة معانا ومافيش حد ينجح لوحدو كل النجاح ينسب للكيان أو المكان”.
وتحدثت عن السبب الرئيس والأول وهم شركاء النجاح وقالت….. “وأنا مع تتابع الخمس مواسم اللي فاتت ، كان فيه كيان كبير قادر علي فرص النجاح بداية من رؤساء التحرير اللي عندهم المهارة الكافية في الإدارة ، والتين اللي ليتابع مع السادة المذيعين ، وأنا في الوقت دا كنت المشرف العام”.
وواصلت …..” خطأ الاعداد ومحتوي البرامج بتمثل كارثة كبيرة لو متمش تنفيذه صح وعدم الدراية الكافية بالضيف خطأ يهدد كيان البرامج ، والحمدلله التسلسل الإدارى ماشي بشكل مظبوط حتى المذيعين مش عشان هو دافع يبقى هيطلع وخلاص لا لازم أختبار فى الاول وكله علشان فى الاخر نطلع بمحتوى كويس”.
وتابعت….” الاختبار مهم جداً حتى لو المذيعين دول بيشتغلوا في راديو يومياً حتى لو يشتغل في قناة ثانية برة ولازم يعرض الفكرة عليا وعلي رئيسات التحرير ومدي استفادة الناس من هذا المحتوي ، لازم يكون محتوى هادف ، والمذيعين يتم اختيارهم بعد دخول الاختبار”.
وعن مهرجان “الراديو والتليفزيون والميديا” أعربت “مي علام” عن مدي سعادتها بالمشاركة وقالت…. “بالنسبة لراديو شبابيك يعد مهرجان الراديو والتلفزيون والميديا كلها في مقر راديو شبابيك وأحنا سعداء بالمشاركة ، وأنا كنت سعيدة أنى كنت من المذيعين الذين تم تكريمهم باعتبارهم جزء من نجاح الراديو”.
كما أعربت عن مدي سعادتها بالبرامج المتميزة التي تقدمها المذيعات وذكرت تلك البرامج واحدة تلو الأخري كالاتي :
” برنامج بالطعم العربي للمذيعة “ياسمين عماد” وبرنامج ناطق باللغة السواحيلية للمذيعة “منه ياسر”.
واكملت حديثها …..”مفيش حد عمل ده فى اى راديو أو تلفزيون وبنات زى دى تعمل افكار برا الصندوق فهما لازم يتكرموا ، ومفيش حد بيقدم المحتوى ده وبيسلط الضوء عليه بس لما أتكرمنا حسيت انى تعبنا مش على الفاضى”.
وأخيراً اختتمت حديثها قائلة….. “من بعد المهرجان انضمت لينا كيانات لنشر رسالتنا أو أداء العمل الإعلامي الخاص بينا كان عندنا استوديو حلم للكورسات والغرض منه كيفية بناء شخص ناجح ، كما وضحت البرنامج في راديو شبابيك الكيان الذي يوفر التفاصيل الذي نحتاجها هو ٨ صقر النيل وهو اسم لامع.. مركز أعلامي فيه كل شي ، ولا يقتصر فقط على راديو شبابيك بل يوجد به أنشطه تانيه زي ورش التمثيل والزومبا وأشياء تانيه كثير فيها أيجابيه ودعم لكل المواهب ، راديو شبابيك بعد المهرجان وفر لينا الاستوديو اللطيف والحقيقة قدموا لينا كل ما نحتاجه وأنا من خلال الخبر الحصري بشكر كل الموجودين والقائمين في مقر ٨ قصر النيل
الحوار بواسطة/ مصطفى محمود
