“الخبر الحصرى”زيزو الاسود المبدع فى مجال التصميم فى حوار خاص للخبر الحصرى
كتب / مصطفى محمود
“ينشر الخبر الحصرى”
شاب له موهبة خاصة يدعى “عبدالعزيز أحمد بدوى” “والشهرة زيزو الاسود”يعمل فى مجال المنتاج وتصميم الفيديوهات له سحر خاص فى اى عمل يقوم به يعمل ببساطة وهذا يساعده فى خطف أنظار المشاهد ..إليكم التفاصيل..
بدات ازاى فى عالم الديزين او المنتاج عموما؟
بدات فى عام ٢٠١١-٢٠١٢كنت بعمل بوسترات لنفسي والحاجات البدائيه اول ماانتشر شغل المونتاج كان ٢٠١٥ اول شغل عملتو كان مع أحمد نافع مغنى المهرجانات .
مين سندك ودعمك؟
اللى دعمنى واول الناس اللى وقفت جمبى فى المجال مغنى المهرجانات أحمد نافع وحودة بندق والكاتب كالوش الفنار والكاتب أحمد الجوكر والمنتج الكبير أبوالسيد .
بما انى الديزين شغل مفتوح اشتغلت مع مين سوء الفنانين او مخرجين او قنوات ؟
فى مجال المهرجانات اشتغلت مع ناس كتير جدا زى (أحمد عبده-رضا البحراوى-ريشا وسمارة-وإسلام ساسو الموزع الكبير -حموبيكا -على قدورة-وغيرهم من الفنانين).
شركت قبل كده فى مهرجانات وحصلت على جوايز ولا لا ؟
صرح قائلا اشتركت فى مهرجان بنت النيل برعاية سامح عاطف والمنتج أبوالسيد و تيم ٩٤ واتكرمت فى المهرجان.
ماهى علامة التميز بتاعتك عن غيرك من الناس اللى شغاله فى نفس المجال ؟
كل واحد بيتفوق فى شغله بالشكل الجديد والأفكار الجديدة والمونتاج والديزين موهبة وانا بحاول انمى موهبتى واقدر اخلى اللى بعمله يخطف أنظار اللى بيتفرج على الشغل بتاعى .
وجه كلمة للشباب اللى طالع؟
ربنا يوفق الجميع وكلنا نبقا فى أحسن حال وأى حد عندو موهبة ينميها وكل واحد يساعد نفسو بنفسو ويتطور من نفسو ويقدم حاجه هادفه وتعجب الناس .
