“الخبر الحصرى”محسن المصرى فى أولى حوارته الصحفية يكشف عن أعماله القادمة فى جريدة الخبر الحصرى
كتب / مصطفى محمود
“ينشر الخبر الحصرى”
يدعى شاب محسن اسامه وشهرته “محسن المصرى” صاحب ٢٣ عاما لديه حنجرة ذهبية وصوت فلازي يستطيع تقليد معظم الفنانين منهم جورج وسوف و حسن عبد الوهاب
وجاء ذلك فى حوار خاص لجريدة الخبر الحصرى.
متى اكتشفت موهبة الغناء ؟
صرح قائلًا كنت فى المدرسة مع أصحابي وكنت بطلع الاذاعة المدرسية دائما.
وجاء في سؤال آخر ما هي وسائل المساعدة ؟
قال كنت محتاج حد يكتبلى اغانى وينفذها ليا والحمد لله ربنا كرمنى باستاذ “مؤمن منير” صاحب شركة مؤمن برودكشن وهى الشركة المنتجة حاليًا.
وسألته أيضًا مين اللى دعمك وسندك للوصول لحلمك؟
صرح قائلا والدى ووالدتى كنت بلاقى التشجيع منهم إنى أكمل في مسيرتي عشان احقق حلمى وطبعا صحابى واستاذة اسماء احمد صاحبة شركة جومانا برودكشن وبشكر طبعا مدير أعمالي محمد نبيل لانو واقف جمبى وبيسندنى كتير.
ماهى الأعمال الحالية ؟
فيه عمل نزلته على اليوتيوب اسمه “مهرجان بحر جراح” وصلت عدد المشاهدات إلى ما يقارب من 145 ألف مشاهدة، هو من تأليف محسن المصرى، وتوزيع شندى وخليل، وغناء محسن المصرى و شعراوى، إنتاج مؤمن منير.
ما هي الأعمال القادمة ؟
فيه عمالين شغال فيهم حاليا هما “الدنيا سفينه و ماليش صحاب”
ماهي العواقب اللى وقفت فى طريقك ؟
ظروف فى البيت وشوية مشاكل عائلية دى اللى عطلتنى شوية بس رجعت تانى علشان اوصل لحلمى.
ماهى طموحاتك واحلامك ؟
طموحي وهدفي الحقيقي إن استاذ هانى شاكر يدينى الفرصة ويسمعنى ونفسي اوصل لكارنيه النقابة لأن ده يعتبر حلم كل مغني صاعد.
لو حابب توجه رسالة للشباب اللى طالع تقولهم اى ؟
اقولهم بلاش تغنى الاغانى اللى ملهاش لزمة وممكن تسمع حاجه من الطرب الأصيل لأستاذ عبد الحليم و الست ام كلثوم واتعب واسعى وربنا يكرمك وتحقق حلمك.
من هنا داخل جريدة الخبر الحصرى نناشد الاستاذ هانى شاكر نقيب الموسيقيين فى مصر بالاستماع الى المواهب الشابة الصاعدة و اعطائهم الفرصة.
