“الخبر الحصرى”أغرب عادات الزواج في العالم
كتبت:مروة عيد
“ينشر الخبر الحصرى”
تختلف عادات الزواج في العالم من بلد لأخرى، وكل عادة أغرب من العادة الثانية.
في جزيرة “جاوا ” الحكومة بتاخد من العريس رسوم الجواز عبارة عن ذيول الفئران….ودي طبعًا حاجة غريبة ، لكن الحكومة كان ليها غرض في إنها تقضي على الفئران اللي بتضر المحاصيل الزراعية، وخصوصًا محصول الأرز، و هو الطعام الأساسي عندهم.
وفي “كينيا” من عادات الزواج الغريبة إن الراجل إلي رايح يتجوز خلاص بيلبس ملابس نسائية بعد مرور شهر من الجواز من أجل أنه يستشعر حجم الجهد اللي الست بتعمله في رعاية البيت وتربية الأولاد.
وفي قبيلة “جوبيس الأفريقية” عادة تانية غريبة.. أنا عارف إنها هتيجي على هوى رجالة كتير، وهى إن العريس بيقوم بخرم لسان العروسة وتمرير خيط فيه علشان لو كترت في الكلام بعد الجواز يكفيه إنه يشد الخيط فتسكت فورا عن الثرثرة.
أما عن عادات الجواز في “غينيا الجديدة” فالتعبير عن فرحة العريس بزفافه هو قطع صابع من أصابعه وتقديمه لعروسته، وفي المقابل بتقطع الزوجة أصابع يديها وتدفنها مع الزوج في حالة وفاته دلالة على الوفاء له.
و في “موريتانيا” تذهب العرايس لمزارع التسمين لزيادة الوزن لأن كل ما إزداد وزن العروسة كل ما هيكون حظها سعيد، وهيختارها عريس غني وده طبعًا عكس الطقوس عندنا في مصر العرايس بيقضوها جيم وريجيمات قبل فرحهم علشان يحاولوا يوصلوا للوزن المثالي، وشكلهم يطلع أجمل، ومظبوط بالفستان الأبيض.
في “اليابان” بيطلوا العروسة بدهان أبيض من وشها لرجليها إعتقادًا منهم إن هذا التصرف يدل على عذرية، ونقاء العروسة، وفي المقابل “اسكتلندا” طقوسم غريبة في الجواز، وعكس المألوف فبدلًا من إن العروسة تظهر بأبهى زينتها تقوم صديقات العروسة برمي القازورات عليها، لتظهر في أقبح صورة فإن كانت قادرة على تحمل الأذى فهي تكون زوجة ناجحة قادرة على تحمل صعوبات الجواز.
من أغرب طقوس الجواز الغريبة في “الهند” هي خطف العروسة الذي يرغب في الجواز منها سواء بالقوة أو برضاها، وغالبًا يكون بصحبة أصدقاء أو أقارب العروسة، وبعدها بياخذوا العروسة لبيت عيلة الراجل ويحجزوها في أوضة، ويقنعوها بالعريس وبعد كده بيلبسوها وشاح المرأة المتزوجة كعلامة على القبول.
أما في “السودان” بيجوزوا العريس والعروسة جواز غير شرعي لحد ما يخلف منها طفلين، وبعد كده بيتجوزها رسمي، لكن لو مخلفتش أطفال منه مش بيكمل معاها وبيطلقها علطول.
عادات الزواج كتيرة ومختلفة..استنونى فى المقال الجاي هكمل معاكم باقى الحديث عن عادات الزواج فى مختلف بلدان العالم.
