“الخبر الحصرى”حقائق جديدة عن ” البحر الميت ” بالأردن
بقلم:مروة عيد
“ينشر الخبر الحصرى”
هل تصورت يوم إن الشئ الغريب، والغير مألوف بالنسبة إليك هو أكتر حاجة بتجذب الناس، والسيّاح ليها !
أيوه “البحر الميت” بحيرة مالحة مكانها في أخدود وادي الأردن، على خط الحدود اللي بيفصل بين الأردن وفلسطين ، وهو أكثر نقطة منخفضة على سطح الكرة الأرضية، ومنسوبه يبلغ حوالي ٤٠٠ متر تحت مستوى سطح البحر .
طيب هو البحر الميت فعلاً ميت ؟
أيوه ميت لأن نسبة الأملاح فيه عالية جداً حوالي ٣٤٪ ، وده بيمثل ٩ أضعاف تركيز الأملاح في البحر المتوسط، والمسطحات المائية في العالم كله ، وكمان المناخ الصحراوي، وشدة الحرارة في المنطقة أدى لحدوث نسبة تبخر عالية، وده إلي زود من نسبة تركيز الأملاح في البحر الميت،، ده السبب إلي خلّى الكائنات الحية مستحيل تعيش هناك، فمتتوقعش إنك تلاقي طيور، وأسماك أو حتى نباتات.
وفي كمان حقائق عن البحر الميت لازم تعرفها
وهي إن البحر الميت مفيش فيه أمواج كثيرة، فبالتالي مش موجود غرق فيه، ولا هتلاقي رياضات مائية، ولا حتى مركب للنزهة، الصخور والرمل اللي جواه بيلمعوا بسبب وجود كلوريد الصوديوم البلوري.
في المكان ده وسط تلال يهودا، وجبال الأردن بيجي الزوار يستمتعوا بالأجواء الهادئة، والساحرة في البحر الميت، وبيستفيدوا من مميزات المكان، والعلاج فيه، حيث يقوم السياح بتغطية أجسامهم بقناع طين البحر الميت قبل حمام الشمس، علشان أجسامهم تقوم بامتصاص حمض الهيالورونيك، والمعادن الأخرى الموجودة في الطين.
هتفضل بلادنا العربية ساحة رائعة من الأماكن العديدة لزيارة السياح، والوفود عليها من كافة بلدان العالم.
